مسلمانان ہند کی آواز

 

مسلمانان ہند کی آواز

 کوئی بھی چیز جو باآسانی مل جاتے اس کی قدر و قیمت ہماری نظروں میں کم ہوتی ہے. پھروہ لوگ جو کہ کسی درجے ذہین ہیں اس وقت احساس کرلیتے ہیں جب کسی اور کو اس نعمت سسے محروم پاتے ہیں اور جو باقی ہیں ان کو تب ہی احساس ہوتا ہے جب وہ خود اس نعمت سے محروم ہوں.

میرے ایک عزیز دوست کےصاحبزادے جو کہ رواں سال الیکٹریکل انجینئیر بننے والے ہیں ملکی اور بین الاقوامی سیاست اور اس پر بحث و مباحثے میں کافی دلچسپی رکتھے ہیں. پچلھے دنوں انکے ساتھ ایک نشست کا اتفاق ہوا ، اس جوان کے خیالات اور نظریات سن کر ایک لمحے کو تو یوں لگا جیسے میں بال ٹھاکرے سے مخاطب ہوں. اپنی پاک سرزمین سی اس قدر نفرت کا موجب کیا ہوسکتا ہے ماسوا ئے اس پروپیگنڈے کے جو بھارت نواز میڈیا پاکستان کے جوانوں میں پھیلارہا ہے. 

حقیقت یہ ہے کہ ہمیں نعمت آزادی کا احساس ہی نہیں ورنہ ہم خریدی ہوئی میڈیا کے جھانسے میں آکر اس عظیم نعمت کا کفر کبھی نہ کرتے ہماری میڈیا پر چمکتے دمکتے دکھائی دینےوالے ہندوستان میں صرف کترینہ اور سلمان ہی رہتے ہیں یا پھر  Bollywood کے چند اور رقاص اور بھانڈ جبکہ حقیقی ہندوستان کا حال یہ ہے کہ ہماری آبادی سے زیادہ لوگ وہاں فٹ پاتھ پر زندگی بسر کر رہے ہیں. اس ہندوستان میں زندگی سستی اور روٹی مہنگی ہے. وہاں کے مسلمان اچھوت سے بھی بدترزندگی گزار رہے ہیں. کئی دہائیوں تک ہندؤں کی ظلم و بربریت برداشت کرنے کے بعد اب وہاں کے مسلمان سلطان صلاح الدین اویسی کے صاحبزادے اکبر اویسی کی قیادت میں اکٹھے ہوتے ہیں اور ہندؤں کے ظلم کے خلاف آواز اٹھائی ہے مگر افسوس کہ ہماری میڈیا کے کانوں تک اس مرد مجاہد کی آواز نہیں پہنچ رہی. 

(اکبر اویسی کی ویڈیو دیکھنے کے لیے کلک کریں ) 

آج ہم جسمانی طور پر تو آزاد ہیں لیکن ذہنی طور پر بد ترین غلامی میں ہیں. آج اہل علم و اہل منصب کے ساتھ ساتھ والدین کا بھی یہ فرض ہے کہ اپنی جوان نسل کی اعلی ترین ذہنی تربیت کریں ورنہ آنے والے دور میں ہم تاریخ کے چند اوراق کے سوا کچھ نہ ہونگے ہمارا نام و نشان بھی مٹ جائیگا.